மின்னல் தாக்கி மரணம்

திருகோணமலை சூரியபுர பொலிஸ் பிரிவுக்குட்பட்ட சின்னவெளி பகுதியில் மின்னல் தாக்கி நபரொருவர் உயிரிழந்துள்ளதாக தெரிவிக்கப்பட்டுள்ளது.

இச்சம்பவம் இன்று (01) மாலை இடம்பெற்றுள்ளது. 

கிண்ணியா-காக்காமுனை பகுதியைச் சேர்ந்த ஐந்து பிள்ளைகளின் தந்தையான சேகு தம்பி பாரூக் (47வயது) எனவும் தெரியவருகின்றது.

குறித்த நபர் இன்று வெள்ளிக்கிழமை மாலை மாடு மேய்க்க சென்ற போதே இச்சம்பவம் இடம்பெற்றுள்ளது.

சடலம் சின்னவெளி பகுதியில் சம்பவம் இடம்பெற்ற இடத்திலேயே உள்ளதாகவும் தெரிவிக்கப்படுகின்றது.

விசாரணைகளை சூரியபுர பொலிஸார் மேற்கொண்டு வருகின்றனர்.